jis jagah daur-e-jam hota hai

jis jagah daur-e-jām hotā hai
vaañ ye aajiz mudām hotā hai

ham to ik harf ke nahīñ mamnūn
kaisā ḳhat o payām hotā hai

teġh nākāmoñ pe na har dam khīñch
ik karishme meñ kaam hotā hai

pūchh mat aah āshiqoñ kī ma.āsh
roz un kā bhī shaam hotā hai

zaḳhm bin ġham bin aur ġhussa bin
apnā khānā harām hotā hai

shaiḳh kī sī hī shakl hai shaitān
jis pe shab ahtelām hotā hai

qatl ko maiñ kahā to uTh bolā
aaj kal sub.h o shaam hotā hai

āḳhir ā.ūñgā naash par ab aah
ki ye āshiq tamām hotā hai

‘mīr’ sāhab bhī us ke haañ the par
jaise koī ġhulām hotā hai

Print Friendly, PDF & Email

Leave a Reply

Your email address will not be published. Required fields are marked *