munh taka hi kare hai jis tis ka

muñh takā hī kare hai jis tis kā
hairatī hai ye ā.īna kis kā

shaam se kuchh bujhā sā rahtā huuñ
dil huā hai charāġh muflis kā

the bure muġhbachoñ ke tevar lek
shaiḳh mai-ḳhāne se bhalā khiskā

daaġh āñkhoñ se khil rahe haiñ sab
haath dasta huā hai nargis kā

bahr kam-zarf hai basān-e-habāb
kāsa-lais ab huā hai tū jis kā

faiz ai abr chashm-e-tar se uThā
aaj dāman vasī.a hai us kā

taab kis ko jo hāl-e-‘mīr’ sune
haal hī aur kuchh hai majlis kā

Print Friendly, PDF & Email

Leave a Reply

Your email address will not be published. Required fields are marked *