raat guzre hai mujhe naza mein rote rote

raat guzre hai mujhe naza.a meñ rote rote
āñkheñ phir jā.eñgī ab sub.h ke hote hote

khol kar aañkh uḌā diid jahāñ kā ġhāfil
ḳhvāb ho jā.egā phir jāgnā sote sote

daaġh ugte rahe dil meñ mirī naumīdī se
haarā maiñ tuḳhm-e-tamannā ko bhī bote bote

jī chalā thā ki tire hoñTh mujhe yaad aa.e
laal paa.eñ haiñ maiñ is jī hī ke khote khote

jam gayā ḳhuuñ kaf-e-qātil pe tirā ‘mīr’ zi-bas
un ne ro ro diyā kal haath ko dhote dhote

Print Friendly, PDF & Email

Leave a Reply

Your email address will not be published. Required fields are marked *