shayad us sada ne rakha hai KHat

shāyad us saada ne rakhā hai ḳhat
ki hameñ muttasil likkhā hai ḳhat

shauq se baat baḌh ga.ī thī bahut
daftar us ko likheñ haiñ kyā hai ḳhat

naama kab yaar ne paḌhā saarā
na kahā ye bhī āshnā hai ḳhat

saath ham bhī ga.e haiñ duur talak
jab udhar ke ta.iiñ chalā hai ḳhat

kuchh ḳhalal raah meñ huā ai ‘mīr’
nāma-bar kab se le gayā hai ḳhat

Print Friendly, PDF & Email

Leave a Reply

Your email address will not be published. Required fields are marked *