Skip to content

suKHan mushtaq hai aalam hamara

suḳhan mushtāq hai aalam hamārā
bahut aalam karegā ġham hamārā

paḌheñge sher ro ro log baiThe
rahegā der tak mātam hamārā

nahīñ hai marja-e-ādam agar ḳhaak
kidhar jaatā hai qadd-e-ḳham hamārā

zamīn o āsmāñ zer-o-zabar hai
nahīñ kam hashr se ūdham hamārā

kisū ke baal darham dekhte ‘mīr’
huā hai kām-e-dil barham hamārā

Print Friendly, PDF & Email
Published inmir-ghazal

Be First to Comment

Leave a Reply

Your email address will not be published. Required fields are marked *